Onlayn ictimai-siyasi qəzet
Avropa silahlanır: Aİ səfirləri 150 milyard avroluq hərbi planı təsdiqlədi
Avropa İttifaqının səfirləri 150 milyard avro dəyərində hərbiləşmə planını razılaşdırıblar. Bu barədə məlumat Aİ Şurasına sədrliyi həyata keçirən Polşanın X (keçmiş Twitter) platformasındakı rəsmi səhifəsində yer alıb.
Musavat.com xəbər verir ki, razılaşdırılmış sənəd SAFE adlı təhlükəsizlik təşəbbüsü çərçivəsində hazırlanıb.
Paylaşımda vurğulanıb:
“SAFE üzrə razılıq əldə edildi. Aİ ordularına nə qədər çox sərmayə qoysa, ona zərər vermək istəyənləri bir o qədər yaxşı şəkildə çəkindirə bilər.”
Planın məqsədi Aİ-nin müdafiə qabiliyyətini gücləndirmək, birgə silah istehsalını artırmaq və üzv ölkələrin hərbi potensialını vahid struktur altında koordinasiya etməkdir.
Bu addım, xüsusilə Ukraynada müharibə fonunda Avropanın öz təhlükəsizliyini ABŞ-dan asılı olmayaraq təmin etməyə çalışdığını göstərir. Yeni strategiya həm də Aİ-nin qlobal güc balansında daha fəal rol oynamaq istədiyinə işarə edir.
Musavat.com
XƏBƏR LENTİ
21 May 2025
ŞƏRHLƏRŞƏRH YAZ