İnsanlara hürriyət, millətlərə istiqlal!

İran sərhədini keçən Azərbaycan vətəndaşlarının sayı açıqlandı

İsrail və İran arasında yaranmış mövcud qarşıdurma ilə əlaqədar İsrail Dövlətindəki Səfirliyimizdə, İran İslam Respublikasındakı Səfirliyimizdə, habelə Təbriz şəhərindəki Baş Konsulluğumuzda yaradılmış qaynar xətlərə daxil olan müraciətlərə gündəlik əsasda baxılır.

Musavat.com xəbər verir ki, bu barədə Xarici İşlər Nazirliyinin mətbuat katibi Ayxan Hacızadənin açıqlamasında deyilir.

"İranı tərk etmək istəyən Azərbaycan Respublikası vətəndaşlarının, eləcə də, digər ölkələrin vətəndaşlarının quru sərhədindən keçidi istiqamətində müvafiq icazələrin alınması üçün tədbirlər davam etdirilir. İsraildə vətəndaşlarımız müvafiq olaraq qonşu Misir və İordaniyaya yönləndirilir.

İndiyə qədər İrandakı Səfirliyimiz və Baş Konsulluğumuza ümumilikdə 500 nəfərə yaxın Azərbaycan vətəndaşının müraciəti daxil olub, onlardan 60 nəfərdən artıq vətəndaşımız sərhədi keçib. Bununla yanaşı, 51 ölkədən 1200-dən artıq müraciət hal-hazırda nəzərdən keçirilir və onların sərhəddən keçidinə müvafiq icazələr təmin olunur.

İsraildə olan 34 nəfər vətəndaşımızın İordaniyaya keçidi üçün müvafiq tədbirlər görülüb", - o qeyd edib.

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

17.06.2025 230

Ceyhun Bayramov Britaniyanın dövlət katibi ilə İsrail-İran qarşıdurması ətrafında müzakirələr aparıb
17.06.2025 975

"İsrail Xameneini yox, onu qoruyan “kölgə naziri”ni vurmaq istəyir" – iddia
17.06.2025 779

Komitə sədrindən İran-İsrail savaşı ilə bağlı sensasion açıqlamalar

XƏBƏR LENTİ

18 Iyun 2025

17 Iyun 2025

BÜTÜN XƏBƏRLƏR