Onlayn ictimai-siyasi qəzet
Tramp FED rəhbərini tənqid edən gün faizlər endirildi
ABŞ Federal Ehtiyat Sistemi (FED) 28-29 oktyabr tarixlərində keçirilən iki günlük iclasından sonra əsas faiz dərəcəsini 25 bazis bəndi azaldaraq illik 3,75-4 faizə endirib.
Musavat.com xəbər verir ki, məlumat tənzimləyicinin mətbuat açıqlamasında əksini tapıb. Bundan əvvəlki iclasında FED 2025-ci ildə ilk dəfə əsas faiz dərəcəsini illik 4-4,25 faizə endirmişdi. Ondan əvvəl isə ardıcıl beş iclasda faiz dərəcəsini illik 4,25-4,5 faiz səviyyəsində dəyişməz saxlamışdı ki, buna görə prezident Donald Tramp dəfələrlə FED rəhbəri Cerom Pauelə hücum etmişdi. Tramp FED rəhbərini “Cənab çox ləng” adlandırır.
Sonuncu dəfə oktyabrın 29-da Cənubi Koreyanın Gyeongju şəhərindəki çıxışında bildirib ki, "Cənab çox ləng 3 ildən sonra inflyasiyanın artması ehtimalına əsaslanıb faiz dərəcəsini yüksək saxlamamalıdır”. Onun sözlərinə görə, indiki faiz dərəcələri hökumətin xərclərini süni şəkildə artırır, büdcə kəsirini yüksəldir.
Tramp bildirib ki, ABŞ iqtisadiyyatı 2026-cı ilin birinci rübündə 4 faiz böyüməsini gözləyir. Lakin əksər analitik mərkəzlər Trampın ABŞ-a idxala tətbiq etdiyi tariflərin iqtisadi artımı ləngidəcəyini proqnozlaşdırırlar.
Qeyd edək ki, FED-in faizləri 0,25 faiz bəndi endirəcəyi bazarlar üçün gözlənilən qərar olduğuna görə hər hansı dəyişikliklərə səbəb olmayıb.
Musavat.com
XƏBƏR LENTİ
30 Oktyabr 2025
29 Oktyabr 2025
ŞƏRHLƏRŞƏRH YAZ