Onlayn ictimai-siyasi qəzet
ABŞ məhkəməsi Təhsil Nazirliyinin Harvardla bağlı qərarını ləğv etdi
Massaçusets məhkəməsi ABŞ administrasiyasının Harvard Universitetinə ayrılan 2,2 milyard dollardan çox qrantın dondurulması qərarını qanunsuz elan edib. Musavat.com xarici agentliklərə istinadən xəbər verir ki, məhkəmənin hakimi Allison Burrows ABŞ administrasiyasının arqumentlərini rədd edib. Onun məhkəmənin onlayn məlumat bazasında dərc olunmuş qərarına əsasən, ölkə rəhbərliyi "millətin aparıcı universitetlərinə hədəflənmiş, ideoloji motivli hücum üçün antisemitizmdən istifadə edib".
Sənəddə deyilir: "Bu hərəkətlər onilliklər boyu aparılan tədqiqatları və bu tədqiqatdan faydalanacaq şəxslərin rifahını təhlükə altına qoydu və Konstitusiyada və federal qanunda təsbit olunmuş hüquqlara etinasızlıq nümayiş etdirdi". Hakim qeyd edib ki, o, “antisemitizmlə maliyyələşdirmənin dondurulması qərarının təsirinə məruz qalan tədqiqat layihələri arasında heç bir açıq əlaqə görmür”.
Eyni zamanda Burroughs Harvard Universitetinin son illərdə antisemitizm təzahürlərindən əziyyət çəkdiyini və "bu problemi həll etmək üçün daha yaxşı iş görməli olduğunu" qeyd edib.
Xatırladaq ki, aprelin ortalarında ABŞ Təhsil Nazirliyi Harvard üçün 2,2 milyard dollar qrantın və 60 milyon dollarlıq uzunmüddətli müqavilələrin dondurulduğunu elan edib. Bundan əvvəl ABŞ administrasiyası yəhudi əsilli tələbələri antisemitizmdən qorumaqla əsaslandıraraq, təhsil müəssisəsinin siyasətində dəyişiklik etməyi tələb edirdi. The New York Times-ın yazdığına görə, Harvard Ağ Evlə əməkdaşlıq etməyə çalışsa da, sonradan tələblər siyahısına "antisemitizmlə heç bir əlaqəsi olmayan maddələr" daxil edildi. Harvard Universitetinin prezidenti Alan Qarber isə tələbləri yerinə yetirməkdən imtina edib.
Musavat.com
XƏBƏR LENTİ
05 Sentyabr 2025
04 Sentyabr 2025
ŞƏRHLƏRŞƏRH YAZ