Onlayn ictimai-siyasi qəzet
Türkanda qadın ərini qətlə yetirdi – QANLI AİLƏ DRAMI
Xəzər rayonu, Türkan qəsəbəsində bir ailənin həyatını alt-üst edən qanlı cinayət hadisəsi baş verib.
Musavat.com-un əldə etdiyi məlumata görə, hadisə avqustun 4-də Türkan qəsəbəsinin Xanlar küçəsində qeydə alınıb.
1978-ci il təvəllüdlü Natiq Fərhad oğlu Quliyev həyat yoldaşı tərəfindən bıçaq zərbəsi ilə qətlə yetirilib. Qan itkisindən vəfat edən kişinin meyiti məhkəmə-tibbi ekspertizadan keçirilməsi üçün aidiyyəti quruma təhvil verilib.
Mərhumun usta kimi işlədiyi, əsasən evlərdə təmir işləri görməklə ailəsini dolandırdığı məlum olub.
Onların 3 yaşlı bir övladı var. Azyaşlı qız uşağı xəstəxanada müalicə alırmış və avqustun 4-də evə buraxılıb.
Hadisənin hansı səbəbdən baş verdiyi hələlik məlum deyil.
Faktla bağlı Xəzər rayon Prokurorluğunda araşdırma aparılır.
E.MƏMMƏDƏLİYEV,
Musavat.com
XƏBƏR LENTİ
05 Avqust 2025
ŞƏRHLƏRŞƏRH YAZ