Onlayn ictimai-siyasi qəzet
Hindistanda DAHA BİR qırıcı QƏZAYA UĞRADI - ANBAAN GÖRÜNTÜLƏR
Hindistan Hərbi Hava Qüvvələrinə məxsus təlim təyyarəsi genişmiqyaslı hərbi manevrlər çərçivəsində həyata keçirilən uçuş zamanı şosse yolundan havaya qalxarkən qəzaya uğrayıb. Məlumat Hindistan Müdafiə Nazirliyi və yerli media tərəfindən təsdiqlənib.
Musavat.com xəbər verir ki, hadisə ölkənin hansı əyalətində baş verdiyi açıqlanmasa da, yerli mənbələr təyyarənin uçuşdan qısa müddət sonra idarəetməni itirdiyi və qəza enişi etməyə çalışarkən zərər gördüyünü bildirirlər. Təyyarədə olan pilotun sağ-salamat xilas edildiyi qeyd olunur.
İkinci qəza – təhlükəsizlik sualları gündəmdə
Qeyd edək ki, bu, son üç gün ərzində Hindistan Hərbi Hava Qüvvələrində qeydə alınan ikinci qəza hadisəsidir. Hələ bir neçə gün öncə də başqa bir təyyarə oxşar təlim uçuşu zamanı texniki nasazlıq səbəbindən qəza enişi etmişdi. Təlimlərin məqsədi fövqəladə hallar zamanı yollardan təcili uçuş zolaqları kimi istifadə imkanlarını sınaqdan keçirmək olub.
Rəsmi araşdırma başladı
Hindistan Müdafiə Nazirliyi hadisə ilə bağlı xüsusi istintaq komissiyasının yaradıldığını açıqlayıb. Qəzanın səbəbləri texniki nasazlıq, pilot xətası və ya digər amillərlə əlaqələndirilə bilər. Müdafiə strukturlarında isə bu qəza hallarının təlimlərin təhlükəsizlik səviyyəsinə necə təsir göstərəcəyi ilə bağlı ciddi müzakirələr başlayıb.
Hazırda qəzanın baş verdiyi ərazi nəzarətə götürülüb, əhali üçün təhlükə olmadığı bildirilir. Təyyarənin hansı modelə aid olduğu hələlik rəsmi olaraq açıqlanmayıb, lakin ehtimallara görə MiG-21 və ya Tejas tipli qırıcı ola bilər.
Toğrul İSMAYIL,
Musavat.com
XƏBƏR LENTİ
05 May 2025
ŞƏRHLƏRŞƏRH YAZ