Onlayn ictimai-siyasi qəzet
“Olympus Park” şirkətinin sahibi Rafael Qarayev aldadılıb - 2 milyonluq DƏLƏDUZLUQ
“Olympus Park” tikinti şirkətinin sahibi Rafael Qarayevə qarşı dələduzluq edilib.
Musavat.com xəbər verir ki, Rafael Qarayev Türkiyə səfirliyinin yaxınlığındakı torpaq sahəsini almaq istəyərkən aldadılıb.
R.Qarayev 1 milyon 890 min manatlıq dələduzluğa məruz qaldığını iddia edərək hüquq-mühafizə orqanlarına müraciət edib.
İş adamına qarşı dələduzluqda ittiham olunan şəxsin İnam Cəfərov olduğu bildirilir.
Rafael Qarayevin şikayətindən sonra cinayət işi açılıb. İbtidai istintaq zamanı təqsirləndirilən şəxs R.Qarayevin zərərinin 1 milyon 400 min manatını geri qaytarıb. Qalan məbləğə görə tərəflər arasında razılığın olduğu bildirilir.
Təqsirləndirilən şəxsin cinayət işi üzrə məhkəmə istintaqı başa çatıb və ona şərti cəza verilib.
İ.Muradov
Musavat.com
XƏBƏR LENTİ
02 Avqust 2025
ŞƏRHLƏRŞƏRH YAZ