Onlayn ictimai-siyasi qəzet
Ukraynanın dronlara qarşı yeni gücü
Belçika şirkəti Thales Belgium Shahed tipli dronlara qarşı ucuz və effektiv silah yaradıb.
Musavat.com xəbər verir ki, bu barədə "Business Insider" məlumat yayıb.
Söhbət 70 mm-lik raketlər üçün nəzərdə tutulan FZ123 anti-dron döyüşbaşlığından gedir.
Yeni mərmi minlərlə kiçik polad dənəciklə doludur və təxminən 1 kiloqram partlayıcı vasitəsilə aktivləşir. Partlayış zamanı qəlpələr 24 metr diametrində sahəyə yayılır — bu, həm ayrı dronların, həm də dron sürülərinin məhv edilməsi üçün kifayətdir.
Thales artıq bu döyüşbaşlıqlarını Ukraynaya göndərib. Şirkət ilin sonuna qədər 3,5 minə yaxın belə raket istehsal etməyi, 2026-cı ildən isə illik istehsalı 10 min ədədə qədər artırmağı planlaşdırır.
İstehsalçı bildirir ki, bu raketlər ucuz interceptorlardan baha, lakin klassik zenit raketlərindən (hansıların dəyəri yüz minlərlə dollar ola bilər) qat-qat ucuzdur. Şirkət qiyməti açıqlamasa da, əsas məqsədin “xərci azaldaraq təsiri maksimum etmək” olduğu vurğulanır.
FZ123 başlıqları NATO-nun 70 mm-lik raket sistemləri ilə, o cümlədən ABŞ-ın “Vampire” platforması ilə tam uyğundur. Onları həm yük maşınlarına, həm də bəzi modernləşdirilmiş Mi-8 helikopterlərinə quraşdırmaq mümkündür.
Bu addım Ukraynanın hava hücumlarına qarşı müdafiəsini gücləndirir və ölkəyə ucuz, çevik və sürətli cavab imkanları yaradır.
Musavat.com
XƏBƏR LENTİ
08 Oktyabr 2025
ŞƏRHLƏRŞƏRH YAZ