Onlayn ictimai-siyasi qəzet
Yay aylarında şirniyyata diqqət: Mütəxəssislər xəbərdarlıq edir
Yay aylarında temperaturun yüksəlməsi ilə bir çox insan sərinlədici dondurma və digər şirniyyatlara üz tutur. Lakin qidalanma mütəxəssisləri bu vərdişin sağlamlığa mənfi təsir göstərə biləcəyi barədə xəbərdarlıq edirlər.
Diyetoloqlar bildirirlər ki, yüksək şəkər tərkibli desertlər orqanizmdə susuzluğu artırır, həzm sistemini yükləyir və enerji balansını poza bilər.
İsti havalarda bu cür qidalar bədəndə əlavə istilik yaradır və halsızlıq hissinə səbəb ola bilər.
Şirniyyatın tərkibində olan doymuş yağ və süni qatqı maddələri də isti hava ilə birlikdə dəridə sızanaq və digər problemlərə səbəb ola bilər. Mütəxəssislər xüsusilə kremli tortlar, şokoladlı məhsullar və süni rəngləşdiricili dondurmalardan yayda uzaq durmağı tövsiyə edirlər.
Əvəzində təbii alternativlərə - mövsümi meyvələrə, yoqurt əsaslı desertlərə və şəkərsiz dondurulmuş meyvə pürelərinə üstünlük verilməsi məsləhət görülür.
Mütəxəssislər əlavə edirlər ki, şirniyyatı tamamilə rasiondan çıxarmaq yerinə, miqdarını azaltmaq və onu günün daha sərin saatlarında qəbul etmək sağlamlıq baxımından daha məqsədəuyğundur./Milli.Az
XƏBƏR LENTİ
23 Iyun 2025
ŞƏRHLƏRŞƏRH YAZ