Onlayn ictimai-siyasi qəzet
Fransa 1 milyard avro və 600 min iş yeri itirəcək
ABŞ-ın tətbiq etdiyi rüsumlar Fransanın şərab istehsalçılarına 1 milyard avrodan yuxarı zərər vura bilər. Musavat.com xəbər verir ki, bu xəbərdarlıqla Fransa Şərab və Spirtli İçki İxracatçıları Federasiyası (FEVS) çıxış edib.
Qurumun rəsmi bəyanatında qeyd olunur ki, zərbə ABŞ-da dolların zəifləməsi fonunda xüsusilə nəzərə çarpacaq və bu, ixracın azalmasını daha da gücləndirəcək: "Bu amillərin birləşməsi Amerika bazarında satışın 25 faiz azalmasına gətirib çıxara bilər ki, bu da sənaye üçün bir milyard avro məbləğində itki ilə nəticələnəcək".
FEVS rəhbəri Qabriel Pikarın sözlərinə görə, tədarükün azalması sənayedə məşğulluq üçün həm birbaşa, həm də dolayı nəticələrə səbəb olacaq: Fransanın şərab və spirtli içkilər sektorunda 600 minə qədər iş yeri risk altına düşəcək.
Federasiya səlahiyyətliləri diplomatik səyləri davam etdirməyə və ABŞ-Aİ ticarət sazişinin bir hissəsi kimi tətbiq edilən 15 faizlik rüsumlardan fransız şərabları və spirtli içkilərinin çıxarılmasına nail olmağa çağırıb: “Biz şərabların rüsumlardan azad edilməsi üçün atılan addımları dəstəkləyirik, lakin bununla da dayana bilmərik - danışıqlar davam etməlidir".
Bir gün əvvəl Avropa Komissiyası alkoqollu içkilərə tariflərin ləğvinə nail olmaq üçün Vaşinqtonla dialoq apardığını təsdiqləyib. ABŞ Çinlə birlikdə Fransız şərabları və konyaklarının ən böyük bazarlarından biri olaraq qalır.
Musavat.com
XƏBƏR LENTİ
02 Avqust 2025
ŞƏRHLƏRŞƏRH YAZ