Onlayn ictimai-siyasi qəzet
Gürcüstanın ilk neft emalı zavodu xammalı Rusiyadan alır
Gürcüstanda iki gün əvvəl istifadəyə verilmiş Kulevidə yerləşən ilk neft emalı zavodu Rusiyanın “RussNeft” şirkətindən neft almağa başlayıb.
Musavat.com xəbər verir ki, məlumatı “Reuters” yayıb.
Bildirilir ki, oktyabrın 6-da “Kayseri” tankeri Rusiyanın Qara dənizdəki Novorossiysk limanından Kulevi neft terminalına 105 min tondan çox Sibir yüngül xam neftini çatdırıb.
Qeyd olunur ki, hakim “Gürcü Arzusu” partiyasının rəhbərliyi altında Tiflis Rusiya ilə iqtisadi əlaqələri dərinləşdirib. Bu arada Gürcüstanın Qərb tərəfdaşları ilə münasibətləri isə xeyli pisləşib. Agentlik qeyd edir ki, Rusiya Ukraynaya qarşı müharibəyə görə Qərbin tətbiq etdiyi sanksiyalar fonunda ixracını diversifikasiya etməyə çalışır.
Gürcüstan üçün ilk neft emalı zavodunun açılması onun Rusiya, Türkiyə, Azərbaycan, Rumıniya və Qazaxıstandan yanacaq idxalından asılılığını azaltmaq cəhdidir.
İlkin emal gücü ildə təxminən 1,2 milyon ton və ya gündə təxminən 24 000 barel neft emalı zavodu bu ay fəaliyyətə başlayıb. 2028-ci ilə qədər zavod illik istehsal gücünü 4 milyon tona çatdırmağı planlaşdırır, həm ixrac, həm də daxili bazar üçün yanacaq təmin etməyi hədəfləyir.
Musavat.com
XƏBƏR LENTİ
22 Oktyabr 2025
21 Oktyabr 2025
ŞƏRHLƏRŞƏRH YAZ