Onlayn ictimai-siyasi qəzet
Sinqapurun baş naziri: “ABŞ qurduğu dünya nizamını saxlamaq istəmir”
Sinqapurun baş naziri Lourens Vonq hesab edir ki, dünya on il çəkə biləcək yeni, post-Amerika nizamına "doğru" keçiddən keçir.
Musavat.com xəbər verir ki, Sinqapurun baş naziri bu barədə “Financial Times” (FT) qəzetinə müsahibəsində münasibətlərin "çoxtərəfli arxitekturasının" mümkünlüyünə işarə edərək bildirib.
“Şübhə yoxdur ki, vəziyyət mürəkkəb və gözlənilməz olacaq, çünki Amerika qlobal sığortaçı rolundan uzaqlaşır və bu boşluğu doldurmağa qadir və ya istəyən başqa heç bir ölkə yoxdur”, - Vonq bildirib. O, hesab edir ki, ABŞ prezidenti Donald Tramp administrasiyasının “Hər şey Amerika üçün” şüarı müvəqqəti fenomen deyil.
“Baş verənlər "siyasi mədəniyyətdə, eləcə də cəmiyyətin özündə daha geniş dəyişiklikləri əks etdirir. Belə bir hiss var ki, Amerika qurduğu mövcud dünya nizamından bəhrələnməyib və onu saxlamaq üçün ağır işi öz üzərinə götürməyə hazır deyil", - deyə baş nazir qeyd edib.
L.Vonq ticarətin liberallaşdırılmasına və ümumi qlobal maraqların qorunmasına təcili dəstək verməyə çağırıb. O bildirib ki, "qlobal sistem getdikcə daha çox yüklənir" və bu vəziyyətdə "ticarət yollarını açıq saxlamaq və bəlkə də yeni yollar yaratmaq" lazımdır.
Musavat.com
XƏBƏR LENTİ
23 Oktyabr 2025
ŞƏRHLƏRŞƏRH YAZ