Onlayn ictimai-siyasi qəzet
Soydaşımız Cəfər Pənahi Kann Festivalında Qızıl "Palma Budağı"nı qazandı
Soydaşımız, dünya şöhrətli iranlı kinorejissor Cəfər Pənahi Kann Beynəlxalq Film Festivalında böyük uğura imza atıb. Rejissor festivalın əsas mükafatı olan "Qızıl Palma Budağı"nı qazanıb.
Musavat.com xəbər verir ki, bu barədə məlumatı İsveçrədə yaşayan jurnalist Elbəyi Həsənli verib.
Pənahi bundan əvvəl də nüfuzlu beynəlxalq festivallarda yüksək mükafatlara layiq görülüb. O, 2000-ci ildə Venesiya Film Festivalında “Qızıl Şir”, 2015-ci ildə isə Berlin Beynəlxalq Film Festivalında “Qızıl Ayı” mükafatlarını alıb.
Yaradıcılığa çox erkən yaşlarda başlayan Cəfər Pənahi ilk dəfə 10 yaşında əlinə kamera alıb. 20 yaşında İran-İraq müharibəsində kino-operator kimi iştirak edən rejissor 1981-ci ildə kürd üsyançıları tərəfindən əsir götürülüb və 76 gün əsirlikdə saxlanılıb.
2009-cu ilin iyununda keçirilən seçkilər zamanı Mahmud Əhmədinejad qələbə çalıb. Musəvi tərəfdarları küçələrə axışıb. "Yaşıl inqilab" adlanan nümayişlər zamanı 20-yə yaxın insan həlak olub. İlk dəfə Cəfər Pənahi aksiyalar zamanı həlak olan gənc qız Neda Soltanın dəfnində həbs olunub və rejissora ölkədən çıxmaq qadağan olunub.
Musavat.com
XƏBƏR LENTİ
25 May 2025
ŞƏRHLƏRŞƏRH YAZ