Onlayn ictimai-siyasi qəzet
“Biz Allaha inanırıq” - Milli valyuta üzərinə bu yazılacaq
Musavat.com xəbər verir ki, Ukrayna Ali Radasında milli valyutanın dizaynına dini məzmunlu deviz əlavə edilməsini nəzərdə tutan qanun layihəsi qeydiyyata alınıb.
Layihənin müəllifi hakim “Xalqın xidmətçisi” partiyasından olan deputat Georgi Mazuraşudur. O, daha əvvəl də ictimaiyyətdə rezonans doğuran, lakin çox zaman qəbul edilməyən mübahisəli qanun təşəbbüsləri ilə tanınıb.
Mazuraşunun yeni təşəbbüsünə əsasən, Ukrayna milli valyutası olan qrivnaların üzərinə “Biz Allaha inanırıq” (“Мы верим в Бога”) ifadəsi əlavə olunmalıdır. Qeyd olunur ki, bu deviz ABŞ dolları üzərindəki məşhur “In God We Trust” yazısından ilhamlanıb.
Hazırda qanun layihəsinin tam mətni Ali Radanın rəsmi saytında yerləşdirilməyib. Müzakirələr başladıqdan sonra həm parlamentdə, həm də ictimaiyyətdə müxtəlif reaksiyaların yaranacağı gözlənilir.
Musavat.com
XƏBƏR LENTİ
07 Oktyabr 2025
ŞƏRHLƏRŞƏRH YAZ