Onlayn ictimai-siyasi qəzet
Krımdakı aviabazaya gecə hücumu – Ukrayna onlarla rus təyyarəsini məhv etdi
Ukrayna Təhlükəsizlik Xidməti Rusiyanın işğalı altında olan Krımdakı Saki aerodromunda bir döyüş təyyarəsinin məhv edildiyini, eləcə də bir neçə başqa təyyarənin zədələndiyini açıqlayıb.
Musavat.com xəbər verir ki, SBU-nun “A” Mərkəzi Əməliyyat Qrupunun dronları işğal olunmuş Krımdakı Saki hərbi aerodromunu gecə hücumu həyata keçirib.
Bu, Rusiyanın Qara dənizdəki əməliyyatlar üçün əsas aviabazasıdır”, - Ukrayna agentliyi bildirir.
Ukrayna pilotsuz təyyarələri avqustun 4-nə keçən gecə aerodroma hücum edib. Aerodroma endirilən zərbə nəticəsində aviasiya silahları anbarı vurulub. 1 Su-30SM təyyarəsi məhv edilib, digəri zədələnib. 3 Su-24 təyyarəsi də vurulub. Bir Su-30SM təyyarəsi orta hesabla 35-50 milyon dollara başa gələ bilər, Ukrayna təhlükəsizlik rəsmiləri vurğulayıblar. Krımın Teleqram kanalları gecə saatlarında Saki və Kaça aerodromlarına pilotsuz təyyarələrin hücumu barədə yazıblar.
“Krım küləyi” xəbər verir ki, Sakski rayonunda saat 23:00-dan gecə yarısına qədər, sonra isə bir neçə dəfə hava hücumundan müdafiə raketlərinin səsləri, boğuq partlayışlar və zenit atəşi eşidilib. Rusiya Müdafiə Nazirliyi Qara dəniz üzərində 18, Krım ərazisi üzərində isə 11 pilotsuz təyyarənin məhv edildiyini bildirib. Bir ay əvvəl Ukrayna kəşfiyyatçıları Saki aviabazasını əhatə edən radar stansiyalarını zədələyib və bir Pantsir-S1 qurğusunu məhv ediblər. Ukraynanın Baş Kəşfiyyat İdarəsi basqının görüntülərini dərc edib.
Hava bazası ətrafında hava hücumundan müdafiə vasitələrinin zəifləməsi, görünür, Ukrayna pilotsuz təyyarələrinin daha dərinlərə nüfuz etməsinə imkan verib. 2 ay öncə Ukrayna Rusiya hərbi aerodromlarına iri pilotsuz təyyarə hücumu həyata keçirib. Kiyev daha sonra onlarla rus təyyarəsini məhv etdiyini iddia etdi.
“Military” ixtisaslaşdırılmış nəşri xəbər verir ki, Su-30SM əsasən yerüstü hədəflərdə işləmək üçün uyğunlaşdırılmış iki nəfərlik təyyarədir. Qırıcı həm də hava üstünlüyü, uzun mənzilli patrul, uzun mənzilli təyyarələri müşayiət etmək, radar nəzarəti, istiqamətləndirmə və nəzarət etmək üçün nəzərdə tutulub.
Qırıcı “hava-hava” və “hava-yer” tipli silahlardan istifadə etmək qabiliyyətinə malikdir. Saki aerodromu Krımdakı ən mühüm hərbi hava bazalarından biridir. 2014-cü ilə qədər Ukrayna Silahlı Qüvvələrinin bazası olub. İndi orada Rusiya Aerokosmik Qüvvələrinin 43-cü Hücum Aviasiya alayı yerləşir. Bu aviabazada daimi olaraq çoxməqsədli Su-30SM qırıcıları, Su-24 səsdən sürətli bombardmançı təyyarələr və Ukraynaya zərbələr endirən digər təyyarələr yerləşir.
Ukrayna Müdafiə Qüvvələri Saki aerodromuna dəfələrlə zərbələr endirib, birincisi 2022-ci ilin avqustunda baş verib. Avqustun 4-də Ukrayna Silahlı Qüvvələrinin Baş Qərargahı avqustun 3-də Rusiyanın Krasnodar diyarında, Soçi hava limanında yanacaq-sürtkü bazasına endirilən zərbələr barədə məlumat yayıb. Obyektin ərazisində güclü yanğın baş verib. Hava limanı Rusiya hərbi aviasiyasının mənzilləndiyi əsas ünvandır.
E.MƏMMƏDƏLİYEV,
Musavat.com
XƏBƏR LENTİ
04 Avqust 2025
ŞƏRHLƏRŞƏRH YAZ