Onlayn ictimai-siyasi qəzet
Ruslar yeni nəsil “Şahed” istehsalına BAŞLADI: Dronlar süni intellektlə idarə olunur
Ukrayna hərbçiləri yaxın günlərdə daha əvvəl məlum olan modellərdən fərqlənən yeni növ İran istehsalı “Şahed” kamikadze pilotsuz uçuş aparatı (PUA) aşkarlayıblar.
Musavat.com xəbər verir ki, bu dron müasir kamera, süni intellekt əsaslı hesablama platforması və operatorun Rusiyadan uzaqdan idarəetməsini mümkün edən radio kanalla təchiz edilib.
Bu silahda Rusiyaya məxsus adi nişanlamalar yoxdur, lakin üzərindəki etiketlər İranın standart işarələmə sisteminə uyğundur.
Elektron müharibə və rabitə sistemləri üzrə mütəxəssis Sergey Beskrestnov “Associated Press”ə açıqlamasında bildirib ki, yeni dron adi qara rəngli Rusiya zərbə dronlarından fərqli olaraq ağ rəngdə olub.
Adətən bu cür dronlar İran layihələri əsasında qurulur, lakin onların əksəriyyəti artıq Rusiyada istehsal olunur. Komponentlər Rusiya, Çin və Qərbdən gətirilir.
“Ekspertlər hesab edir ki, İran bu dronları Rusiyaya döyüş şəraitində sınaqdan keçirmək üçün sata bilər”, – deyə Beskrestnov qeyd edib.
Yeni model daha müasir İran texnologiyasına əsaslanır. Bu dronlara quraşdırılan elektronika bahalıdır və elektrik ötürücü qüllələr kimi kritik infrastruktur obyektlərini hədəfə almaq üçün istifadə oluna bilər.
Lakin mövcud sanksiyalara baxmayaraq, Rusiya və İran Qərb texnologiyalarını əldə etmək yollarını axtarmaqda davam edirlər. Dronlara quraşdırılmış süni intellekt texnologiyası bu aparatlara müstəqil şəkildə naviqasiya imkanı verir ki, bu da xüsusilə rabitənin kəsildiyi hallarda olduqca vacibdir.
Musavat.com
XƏBƏR LENTİ
25 Iyun 2025
ŞƏRHLƏRŞƏRH YAZ