Onlayn ictimai-siyasi qəzet
Murad Arifdən İLGİNC açıqlama: "Türk, talış, tat, ləzgi – hamımız azəriyik!"
Tanınmış bəstəkar-müğənni Murad Airf sosial media hesabında ictimai müzakirələrə səbəb ola biləcək bir mövqe sərgiləyib.
Musavat.com bildirir ki, sənətçi milliyyət, kimlik və dil məsələlərinə toxunaraq “azərbaycanlı” sözünün gündəlik danışıqda işlədilən qısaldılmış formasının vacibliyini vurğulayıb:
"Bütün dünya ölkələrinin əhalisinə qısaldılmış xitablar verilir. Finlandiyalıya fin, ispaniyalıya ispan, fransalıya fransız dediyimiz kimi, təbii ki, azərbaycanlıya da qısa xitab düşünməli.
İndi bu azəri söhbətini ortaya atana nə deyim, olmasın azərilər olsun azərlər. Amma bu olmalıdır da.
Mən şəxsən Azəriyə də razıyam Milliyətimin türk olduğunu qəbul edirəm. Amma, bu türklü, talışlı, tatlı, ləzgili hamımız azərbaycanlıyıqsa, bunun məişətdə işlək, ixtisar forması da olmalıdır.
Azəri torpağının hamımız övladıyıq".
Murad Arifin bu fikirləri sosial şəbəkədə birmənalı qarşılanmayıb.
Əksəriyyət “azəri” ifadəsinin Sovet dövründən miras qalmış yanlış adlandırma olduğunu qeyd edib.
Xalidə Gəray,
Musavat.com
XƏBƏR LENTİ
04 Avqust 2025
03 Avqust 2025
ŞƏRHLƏRŞƏRH YAZ