Onlayn ictimai-siyasi qəzet
Qazaxıstanlılar Rusiyaya daxil olarkən qeydiyyatdan keçməli olmayacaqlar
Bu ayın 30-dan tarixindən etibarən Rusiya ruID tətbiqindən istifadə edərək keçid məntəqəsi vasitəsilə giriş üçün elektron ərizənin məcburi təqdim edilməsi üzrə pilot layihəyə başlayır.
Musavat.com xarici mediaya istinadla xəbər verir ki, Qazaxıstan vətəndaşları üçün bu yeniliklər məcburi deyil - vizasız rejim sayəsində qazaxıstanlılar əvvəlki kimi Rusiyaya daxil ola bilərlər. Bu barədə Qazaxıstan Respublikasının Rusiya Federasiyasındakı səfirliyi məlumat yayıb.
Qeyd olunur ki, arzu olunarsa, qazaxıstanlılar qeydiyyatdan keçə bilərlər - bu, onlara dövlət xidmətlərindən onlayn istifadə etmək, Rusiya SİM kartları almaq, həmçinin cərimələri, vergiləri və dövlət rüsumlarını ödəmək imkanı verəcək.
Ərizə App Store və Google Play-də mövcud olan xüsusi ruID proqramında doldurulmalıdır - o, səfərdən 90 gün əvvəl və 72 saatdan gec olmayaraq təqdim edilə bilər. Fövqəladə hallarda, təsdiqedici sənədlər olarsa, ərizəni 4 saat əvvəl təqdim etmək olar.
Sərhəddə ərizədə göstərilən sənədi təqdim etmək kifayətdir.
Musavat.com
ƏLAQƏLİ XƏBƏRLƏR
XƏBƏR LENTİ
24 Iyun 2025
ŞƏRHLƏRŞƏRH YAZ